Над 10.000 лица со физички инвалидитет излегоа денеска на улиците на Мадрид за да изразат незадоволство поради владините мерки кои ја погодуваат оваа популација.
Шпанската Влада во рамки на буџетските заштеди донесе одлука за укинување на центрите за лица со инвалидитет и отпушти одреден број лица кои се грижеа за инвалидите.
Меѓу насобраните на протестот мнозинството беа луѓе во инвалидски колички или луѓе со оштетен вид. Тие поминаа по улиците на главниот град на Шпанија во дефилето под слоганот „СОС за лицата со инвалидитет: Спасете ги нашите права, инклузија и грижа“.