Лабораторија во Австралија погрешно им кажала на 400 луѓе дека нивниот резултат од тестот за коронавирус бил негативен на Божиќ, кога тие всушност биле позитивни на вирусот.
Одговорната лабораторија, со седиште во болницата Сент Винсент во Сиднеј, испратила неточни СМС пораки вечерта на Божиќ, кажувајќи им на луѓето дека немаат вирус.
Резултатите биле коригирани следното утро, а грешката што се случила лабораторијата вели дека е човечка.
Медицинскиот директор на лабораторијата рече дека е формиран тим за одговор на итни случаи за да ја истражи причината за грешката, за која се верува дека делумно се должи на зголемениот притисок при обработката на голем обем на тестови.
Бројот на случаи на коронавирус достигна рекордно ниво во Австралија.
Речиси 10.000 случаи беа регистрирани низ целата земја на Божиќ, од кои повеќето беа во Нов Јужен Велс, каде што се наоѓа лабораторијата на Сент Винсент.
Се верува дека многу од овие случаи најверојатно се варијантата на Омикрон.
Министерот за здравство на Нов Јужен Велс, Бред Хазард, посочи дека Омикрон е широко распространет и дека ќе биде тешко да се избегне инфекција.
„Се очекува дека скоро сите во Нов Јужен Велс во одреден момент ќе се заразат со Омикрон“, рече тој.
„Ако сите се заразиме со Омикрон, најдобриот начин да се соочиме со вирусот е ако имаме целосно вакцинирани вклучувајќи ја и бустер дозата“.