Заради големите расходи, фондацијата што го гради музејот на нападите од 11 септември 2001 година, на местото на Светскиот трговски центар, ќе воведе билет за влез. Кога ќе биде предаден во употреба во следната година, во него ќе се плаќа влезница од 20 25 долари, јавија американски медиуми. Точната сума засега не е одредена.
Достапот до меморијалниот плоштад засега останува бесплатен. Одлуката за такса за подземниот музеј беше дочекано со негодување кај дел од роднините на жртвите. Според директорот на музејот, анализите укажуваат дека годишно ќе бидат потребни околу 60 милиони долари за негова работа.