Телото на новороденче e пронајдено во торба пред црква во Нотинг Хил, западен Лондон, пишува Sky News.
Лондонската полиција ја повикува мајката да се јави за сопствената безбедност и благосостојба.
Полицијата и итната помош се повикани на Талбот Роуд денеска во 12.46 часот, но бебето е прогласено за мртво на местото на настанот.
Полот и точната возраст на детето се уште не се утврдени.
Началникот Овен Реноуден го опиша случајот како крајно тажен и шокантен.
„Истрагата е само на почеток, а наш приоритет е да ја најдеме мајката на детето кое веруваме дека се породило неодамна“, рече тој и и порача на мајката да се појави.
Детали за случајот се уште не се познати.