Портпаролката на руското Министерство за надворешни работи Марија Захарова денеска изјави дека привремениот прекин на огнот во Украина е неприфатлив за Москва.
„Привремен прекин на огнот или, како што многумина велат, замрзнување на конфликтот е неприфатливо“, рече Захарова, а пренесува Интерфакс.
Според Захарова, вакво нешто Западот ќе го искористи, колективно или индивидуално, за зајакнување на воениот потенцијал на режимот во Киев и за обид за вооружена воена одмазда.