Русија денеска ја отфрли како скандалозна одлуката на холандскиот суд да осуди двајца нејзини државјани на доживотен затвор за соборувањето на малезискиот авион.
Руското Министерство за надворешни работи соопшти дека судот бил под невиден притисок од холандски политичари, обвинители и медиуми да донесе политички мотивиран исход, објави Ројтерс.
Судењето во Холандија ги има сите шанси да стане едно од најскандалозните во историјата на судските постапки, се вели во соопштението.