Оваа година, главната цел на руските вооружени сили беше да се одбие контраофанзивата на Киев, во која беа вклучени бригади обучени на Запад. Ова го изјави високиот руски генерал Валериј Герасимов и додаде дека руските сили постојано ги прошируваат областите на контрола во сите правци, пренесе Спутник.
„За шест месеци, загубите на непријателот во сите правци изнесуваат околу 160.000 луѓе, повеќе од 3.000 оклопни борбени возила, вклучувајќи 766 тенкови, како и 121 авион, 23 хеликоптери“, рече Герасимов на брифингот за странските воени аташеа.
На средбата се разговараше за работата на Министерството за одбрана на Русија во 2023 година.
Украинските вооружени сили започнаа контраофанзива на 4 јуни и не успеаја да ја надминат ниту тактичката одбранбена зона изградена од руските трупи, што доведе до тоа Украина да претрпи огромни загуби во правец на Запорожје, додаде тој.
Рускиот министер за одбрана Сергеј Шојгу тврди дека вкупните загуби на Украина од почетокот на воената кампања на Москва се приближуваат до 400.000 војници.
Според Шојгу од почетокот на специјалната операција, загубите на украинските вооружени сили надминаа 383.000 припадници, убиени и ранети, 14.000 тенкови, борбени возила на пешадија и оклопни транспортери, 553 воени авиони и 259 хеликоптери, 8.500 парчиња артилерија. голем број други ракетни системи.
Шојгу тврди дека Киев претрпел речиси половина од вкупните загуби на воен персонал од почетокот на обидот за контраофанзива на почетокот на јуни.