Египетската Влада размислува за промена на датумот за престојните парламентарни избори по барањето на коптските христијани во земјата.
Претседателот на Горниот дом на Парламентот Ахмед Фами изјави пред пратениците дека претседателот Мухамед Морси одговорил на барањето и наскоро ќе го соопшти новиот датум за изборите. Но тој не објасни ни кога ќе биде соопштен датумот ни за колку време ќе биде одложувањето на изборите, јави Радио Слободна Европа.
Причините за барањето за промена на датумот за одржување на парламентаните избори е совпаѓањето на четвртиот круг на изборите со велигденскиот празник според коптскиот календар. Станува збор за датумите 27 април и 5 мај.
Во меѓувреме лидерот на опозицијата Мухамед ел Барадеј повика на бојкот на гласањето.