Италијанскиот премиер Марио Монти денеска одби да одговори дали ќе учествува на парламентарните избори идната година, откако влезе во конфликт со својот претходник Силвио Берлускони и се поголемите стравувања од пазарни потреси поради евентуалната негова оставка, јави БТА.
За време на викендот Монти изјави дека ќе поднесе оставка, откако ќе биде одобрен буџетскиот закон, бидејќи партијата на Берлускони ја повлече поддршката за технократска Влада.
Во интервју за весникот „Република“ на прашањето дали ќе се откаже од безпартиската улога и ќе почне предизборна кампања, Монти одговори „Не знам, навистина не знам“.
Поради можноста Монтри да поднесе оставка се очекува изборите во Италија да бидат во февруари или март, месец или два порано од претходно објавеното.