Високиот претставник на ЕУ за заедничка надворешна политика и безбедност Федерика Могерини изјави денеска во Сараево дека е најдобро Западниот Балкан да остане настрана од напнатоста меѓу ЕУ и Русија, јави Танјуг.
На прес-конференција во Сараево, Могерини рече дека очекува и руското раководство да го гледа тоа „во исто светло“.
Таа истакна дека е во интерес и на Русија, и на Европската унија, да бараат начини за соработка, а не за конфронтација.