Меѓународниот комитет на Црвениот крст (МКЦК) изрази надеж дека ќе ја достави потребната медицинска помош и хуманитарни работници во Јемен, откако претходно доби дозвола од коалицијата предводена од Саудиска Арабија.
– Веќе добивме дозвола од коалицијата за два авиона, од кои еден ќе пренесува медицинска помош, а другиот персонал, истакна портпарол на МКЦК.
Хуманитарната организација верува дека авионите ќе пристигнат денеска во јеменскиот главен град Сана.
МКЦК речиси една недела преговара за доставување на неопходни материјали и опрема во Јемен, каде коалицијата извршува воздушни напади против шиитските бунтовници Хути.