Големите митинзи на приврзаници и противници на исламистите во Каиро и Александрија по првпат во последно време поминаа вчера без жртви.
– Во болниците биле примени 29 лица со лесни трауми, главно повреди и исекотини, изјави шефот на главната управа за итна помош и интензивна нега.
Тој рече дека располага со податоци од Каиро, Александрија, како и од провинциите Гиза, Минуфија, Дакахлија и Гарбија, каде имало судири.
Вооружени мажи нападнаа вчера воен пункт во северниот дел на Синајскиот полуостров и убија еден војник. Нападот бил во близина на градот Ел Ариш, каде исламистички активисти во петокот ја презедоа зградата на локалната управа.