Во текот на изминатиот ден руските сили уништија украинска работилница за склопување дронови и локации наменети за распоредување на украински формации во близина на Одеса, соопшти денеска руското Министерство за одбрана.
„Оперативно-тактички беспилотни летала, ракетни трупи и артилерија на руските сили уништија работилница за склопување дронови во близина на населбата Конотоп во регионот Суми, локации за привремено распоредување на неонацистичките украински формации Лута и Цунами во близина на Одеса, четири контролни пунктови на беспилотни летала на украинската армија, но тие успешно ја погодија и работната сила и воената опрема на непријателот во 149 области“, се вели во соопштението на руското Министерство за одбрана, пренесува ТАСС.
Украинската армија претходно денеска со беспилотни летала нападна две нафтени рафинерии во руската област Самара, а во фабриката во Сизрање избувна пожар, објави шефот на тој регион Дмитриј Азаров.
Според него, обидот за напад на нафтената рафинерија во Новокујбишевск е запрен и во ниту еден од нападите нема повредени, објави претходно РИА Новости.