Вооружените сили на Филипини ќе се справат и без помошта од САД изјави денеска министерот за одбрана на таа држава. Претходно, претседателот Родриго Дутерте изјави дека САД и ЕУ може да си ја повлечат финансиската помош за Филипини ако не им се допаѓа неговата борба со криминалците.
– Мислам дека може да живееме без таа помош. Нашиот парламент засега ни дава пари…и верувам дека ќе има и повеќе ако немаме извор од други фондови, нагласи на прес конференција министерот за одбрана Делфин Лоренсана.