Револтирани бидејќи властите не ги исполниле ветувањата дека ќе добијат чиста вода за пиење, жителите на село во Египет, ги заклучиле министерот за здравство и гувернерот на провинцијата во болница.
50-тина селани се разболеле од загадената вода.
Претставникот на египетското министерство за здравство, Амр Кандил изјави дека во болницата во покраината Менуфија, 40 километри северно од Каиро, вчера биле примени десетина луѓе поради повраќање, диареја и температура.
Кога на лице место, во посета на болницата дошле министерот за здравство Мухамед Мустафа и гувернерот на провинцијата Ашраф Хелал, биле опколени од членовите на семејствата на болните, кои мавтајќи со шишиња вода извикувале по нив: “Пијте вода”, а потоа ги турнале во соба и ги заклучиле.