Тројца работници загинаа, а петмина се ранети во Пакистан во напад на милитанти врз камп во кој живеат работници за изградба на патишта, соопштија денеска тамошните власти, пренесе Бета.
Нападот се случил во провинцијата Балучистан во југозападен Пакистан.
Освен што пукале во кампот, напаѓачите запалиле и неколку автомобили и уништиле работни машини. Кампот е дел од локална компанија што работи на проект за изградба на патишта.