Германскиот канцелар Ангела Меркел преку видео порака изрази поддршка за печатените медиуми од каде во изминатите денови пристигнуваат информации за банкрот на угледни дневни весници.
– Сметам дека печатените медиуми се многу важни нагласи Меркел чија Влада поддржува проекти за анимирање млади луѓе да читаат весници.
Меркел во овонеделната видео порака оцени дека читањето е сепак нешто поинаку отколку да се види на интернет. Таа истакна дека нејзината Влада понатаму ќе поддржува проекти за читање весници како и останати проекти во кој постои можност за понатамошен развој на печатени медиуми.
Таа им посака добра иднина на медимите и ја потенцираше нивната улога во процесите на демократизацијата.
Изјавата на Меркел беше дадена откако медиумите јавија дека Фајненшел тајмс Дојчланд е пред згаснување, а Франкфуртер рудншау прогласи стечај.
Управниот одбор на германскиот медиумски џин Грунер плус Јар, одлучи да го згаси водечкиот економски весник Фајненшел тајмс Дојчланд, пишува Франкфуртет алгемајне и неделникот Цајт.
Дали веднаш ќе дојде до прекин на работењето или во некој преоден рок, ќе зависи од преговорите на управата и претставниците на вработените. Концернот најави и распишување на конкурс за продажба на неделникот Импулз. Сечата на медиумите во сопственост на овој издавач треба да ја преживее само магазинот Капитал, дознава Политика во Франкфурт.