Германската канцеларка Ангела Меркел изјави дека ќе работи во правец на обезбедување на фер договор за слободна трговија помеѓу Европската Унија и Меркосур, јужноамериканската економска организација.
„Ние сме во основата на меѓународните трговски догори, заради тоа сме среќни што земјите членки на Меркусур се трудат да постигнат договор со ЕУ“ изјави Меркел.
Таа призна дека расправата во ЕУ за земјоделските производи на Меркосур ќе биде тешка, со обзир на големите субвенции кои ЕУ ги дели на земјоделците.
Следните преговори на ЕУ и Меркосур би требало да се одржат во март, а следната недела претседателот на Уругвај ќе дојде во официјална посета на Германија.