Германскиот канцелар Фридрих Мерц денес изјави дека Германија ги осудува нападите на Иран врз Обединетите Арапски Емирати и другите земји и дека Техеран мора да престане да им се заканува на своите соседи и да го отвори Ормутскиот теснец.
„Иран мора да започне сериозни преговори со САД, да престане да им се заканува на своите соседи и да го отвори Ормутскиот теснец без ограничувања“, напиша Мерц во објава на платформата X.
Тој предупреди дека не смее да има понатамошна ескалација на насилството.
„Најостро ги осудуваме обновените ирански воздушни напади врз Обединетите Арапски Емирати и другите партнери. Нападите врз нуклеарните постројки претставуваат закана за безбедноста на луѓето низ целиот регион. Не смее да има понатамошна ескалација на насилството“, заклучи Мерц.
