Мексиканската федерална полиција соопшти дека неделава запленила над девет тони марихуана, 168 килограми метамфетамини и големо количество оружје од скривница крај северниот пограничен град Рејноса, пренесоа американските медиуми.
Во коминике на полицијата се наведува дека поплаките на граѓани ги одвела полицајците до два подземни склада во близина на автопатот што ги поврзува Монтереј со градот Рејноса, и потоа со Макалан во Тексас.
Во едниот склад биле откриени пет тони марихуана и метамфетамини, а во вториот 20 автомати, илјадници патрони, 20 униформи, радиопредаватели и метални врвови за пукање во гуми.
Властите не соопштуваат каде се откриени останатите четири тони марихуана.