Мексиканската армија уби 13 вооружени напаѓачи во престрелка синоќа во сојузната држава Сакатекас, при што армијата запленила автоматско оружје и автомобили, соопштија мексиканските власти.
Државниот обвинител на Сакатекас, Артуро Нале, изјави дека пресретлката ја преживеал еден од напаѓачите, кој пред полицијата изјавил дека е член на нарко картелот „Картел дел Голфо“ од Мексиканскиот Залив.
Во сојузната држава Сакатекас изминатиот период има раст на инцидентите поврзани со бандите за шверц на дрога, откако во 2010 година картелот „Сетас“ се одвои од „Картел дел Голфо“ и го пренесе работењето западно од својата база на североисточниот дел на Мексико.