Сите идниции говорат дека акциите на Путин речиси сигурно ќе бидат предигра за уште поголема агресија и уште поголема инвазија, изјави лидерот на републиканското малцинството во Сенатот, Мич Меконел.
Тој денеска кажа Путин го свртел грбот на дипломатијата во корист на инвазијата на суверена земја, и додаде дека целиот свет гледа како САД ќе одговорат на тоа.
–Доколку тоа се случи многу Украинци ќе загинат. Хуманитарните последици ќе бидат катастрофални, изјави Меконел.
Првиот републиканец во Конгресот порача Бајден да наметне „уништувачки санкции против Кремљ и неговите помошници“, и порача дека Путин мора да плати многу повисока цена од онаа за претходните инвазии на Грузија и Украина. Додаде дека Германија мора трајно да се откаже од „Северен тек-2“ и дека НАТО мора да ја зацврсти одбраната на своето источно крило.
-САД и партнерите се најсилни кога делуваат заедно, но колективниот одговор на овие закани мора да биде предводен од Вашингтон, од претседателот Бајден и неговата администрација, изјави Меконел.
Извор: МИА