Рускиот премиер Дмитриј Медведев предложи формирање на монетарна унија во рамките на Евроазиската економска унија.
– Треба да ја разгледаме можноста и условите за создавање на монетарна унија и подготвени сме со своите колеги да работиме на таа идеја, посочи Медведев.
Тој ја истакна потребата од координирање на мерките за поддршка на реалната економија и на финансискиот сектор, што го применуваат земјите-членки на Евроазиската економска унија.
– Таквите мерки не смеат да бидат усвоени во изолација туку на координиран начин, истакна рускиот премиер.
Медведев наведе и дека Русија е подготвена да го засили учеството во активностите на Евроазиската економска унија и предложи одржување на состанок на премиерско ниво не еднаш туку двапати годишно, па дури и почесто ако има потреба.