Русија не е задоволна од европскиот спасувачки план за Кипар, со кој странските сопственици на депозити во кипарските банки ќе претрпат големи загуби.
– Според мене таму продолжува грабежот на веќе ограбеното, изјави денеска рускиот премиер Дмитриј Медведев на состанок со вицепремиерите.
– Затоа е потребно да се разбере на крајот во што ќе се претвори целата оваа ситуација и какви ќе бидат последиците од неа за меѓународниот финансиско-монетарен систем, како и за нашите интереси, додаде Медведев.
Тој нагласи дека Русија ќе ги истражи евентуалните последици, кои овој план би ги имал врз нејзините интереси.