Маж беше уапсен на аеродромот во Женева со 56 пакети наркотици во стомакот, соопшти полицијата.
Четириесет и едногодишниот државјанин на Гвинеја-Бисао го привлекол вниманието на цариниците, кога пристигнал со лет од Лисабон во неделата утрото. Тој бил одведен во болница, каде бил снимен на рендген.
Прегледот открил присуство на голем број пакети во неговото тело. Мажот признал дека пренесувал непознат вид наркотик и оти требало да добие 600 евра за својата „мисија“.