Илјадници демонстранти протестираа денеска во Јемен, од кои дел за поддршка на шиитските бунтовници, а дел со барање за отцепување на јужниот дел од државата, по оставките на претседателот и Владата.
Јеменскиот претседател Абед Рабу Мансур Хади и владиниот кабинет вчера поднесоа оставки под притисок на бунтовниците Хуси, кои бараат поголема власт.
Фракција од јужниот дел на земјата, која е против преземањето на власта од страна на шиитите, и чии територии до 1990 година беа посебна држава, го искористи моментот да бара независност.
Во Сана илјадници поддржувачи на Хусите се собраа на патот кон аеродромот, носејќи зелени знамиња и плакати на кои пишува „Смрт за Америка“ и „Смрт за Израел“.
Илјадници луѓе протестираа во јужниот град Аден, развиорувајќи знамиња на некогашен независниот Јужен Јемен над аеродромот и зградата на локалната полиција.