Најмалку 26 сириски војници и провладини борци биле убиени денеска во Сирија во заседа на џихадистите од Исламска држава, кои од своја страна изгубија 11 припадници, соопшти денеска опозициската Сириска опсерваторија за човекови права.
Џихадистите, кои ги засилија нападите во изминатите два месеци, поставиле заседа за војниците во пустинската област на провинцијата Деир Езор, соопшти опсерваторијата и додаде дека џихадистите продолжуваат со повремени напади во пустинските области на Сирија и Ирак.
Од почетокот на војната во Сирија, во март 2011 година, загинаа најмалку 387.000 војници, а своите домови ги напуштија неколку милиони луѓе.
По речиси една деценија војна, џихадистите не држат ниту едно парче земја во државата, но и натаму ја користат пустината како отскочна штица за герилски напади.