Протерувањето на руското воено аташе од Обединетото Кралство и потезите на Велика Британија насочени кон руската дипломатска мисија и недвижности ќе добијат пропорционален одговор од Москва, кој ќе биде остар и адекватен, најави денеска портпаролката на руското Министерство за Надворешни работи, Марија Захарова.
„Постапките на британските власти, кои се буквално опседнати со русофобија, целосно ја потврдуваат пристрасната и непријателска природа на англиската политика кон Русија. Повеќе пати го предупредивме официјален Лондон дека сите непријателски дејствија ќе бидат дочекани со остар и адекватен одговор“, Захарова. се вели во соопштението, пренесува ТАСС.
Велика Британија денеска соопшти дека ќе го протера руското воено аташе, дека ќе го одземе дипломатскиот статус за одредени имоти и ќе ги ограничи дипломатските визи за претставниците на Руската Федерација.