Јеменскиот претседател Абд Рабу Мансур Хади пристигна денеска од Саудиска Арабија во Аден, привремен главен град на Јемен, јавија западни медиуми цитирајќи извори блиски до Хади.
Засега не е јасно дали Хади ќе остане само извесно време во државата или пристигнувањето е знак за обнова на владеењето и крај на егзилот во Ријад.
Според Ал Џазира, Хади се враќа за да учествува во ослободувањето на градот Таиз каде веќе неколку месеци има борби со бунтовниците Хути. Хади беше во септември во Јемен за време на муслимански празник по што замина за Њујорк за да учествува во Генералното собрание на ОН.