Украинските сили издржаа ноќни жестоки борби во Соледар, соопшти заменик-министерот за одбрана на земјата Хана Маљар.
„Непријателот ги фрли речиси сите свои сили во регионот на Доњецк и продолжува со офанзива со висок интензитет.
Нашите храбри борци се обидуваат да ја задржат линијата на одбраната“, напиша Маљар на Телеграм.
Маљар додаде дека ова е „тешка фаза од војната“, во која Украина „несомнено ќе победи“, пренесува Ројтерс.
Според руски извори, Соледар е веќе освоен, а руските сили продолжуваат со нападите во правец на Артемовск.