Францускиот претседател Емануел Макрон денеска изјави дека е неопходно да се препознае новата геополитичка реалност и да се забрза транзицијата кон „воена економија“ за да се продолжи со поддршката на Украина и зајакнувањето на одбранбените капацитети на Европа.
„Потребно е да се издржи, да се снабди Украина со оружје за да може да се спротивстави. Убеден сум дека тоа е геополитичката реалност во која ќе живееме долгорочно. И важно е да се запамети дека светот нема да запре ако војната заврши утре“, рече Макрон за време на поставувањето на камен-темелникот на фабриката за барут во градот Бержерак во близина на Бордо.
Според неговите зборови, масовното вооружување во Русија ќе продолжи, воените трошоци ќе се зголемат низ цела Европа.