Францускиот претседател Емануел Макрон ја повика француската одбранбена индустрија трајно да го зголеми производството на оружје среде војната во Украина.
Мораме трајно да се подготвиме за геополитичка и геостратешка промена во која одбранбената индустрија ќе игра сè поголема улога, рече Макрон додека го поставуваше камен-темелникот за новата фабрика за експлозиви за Еуренко во југозападниот град Бержерак.
– Потребна е воена економија за да може Украина да биде снабдена со оружје за да се одбие руската инвазија, како и за нашата одбрана, рече тој. Оваа динамика започна во Европа и светот, додава тој.
„Оваа економија ни користи и нас“, рече Макрон.
На пример, производството на хаубици испорачани во Украина се зголеми за три пати, што исто така го зголемува извозот на оружје.
Европа не може да се откаже од Украина, се работи и за сопствената безбедност, нагласи Макрон.
„Ние Европејците мора да направиме повеќе и побрзо ако САД не се таму, ние Европејците мора да се мобилизираме и да најдеме ново финансиско решение“, рече Макрон.