Самохрана мајка од Шпанија која поради кризата западнала во долгови, присилена е да ги продава своите органи за да ја прехрани ќерката и себе и да плати станарина.
44 годишната Шпанка на аукција понудила бубрег, едно белодробно крило и дел од џигерот за да ја плати станарината, со оглед дека ќе се најде на улица.
Како што му раскажала несреќната жена на шпанскиот весник Ел Мундо, се што сака е да има дом, работа која може да ја извршува и за која ќе биде платена, за да може да ја издржува својата ќерка која студира.
Нејзините месечни приходи не надминуваат 426 евра, а само за изнајмениот стан мора да издвои 400 евра. Ситуацијата да биде уште полоша, сега и се закнуваат и 12 години затвор, со оглед дека трговијата со органи во Шпанија е илегална.
И покрај тоа, оваа очајна жена и натаму тврди дека ќе го продаде „секој дел од нејзиното тело на тој што сака да го купи“ само на својата ќерка да и понуди достоен живот.