Илјадници стари Шпанци протестираа денеска во центарот на Мадрид, барајќи поголеми пензии.
Многу од нив носеа натписи „Ние сме сите пензионери”, „Јас сум стар, не глупав”.
Во изминатите месеци, група пензионери и синдикати одржаа протести низ целата земја, барајќи зголемување на пензиите во согласност со инфлацијата и наведувајќи дека зголемувањето од 0,25 проценти во 2017 година е недоволно.
На демонстрантите им се придружија неколку таксисти, кои протестираа 13 дена, барајќи построги регулативи за такси компании, како Убер и Кебифај.