Меѓународната агенција за атомска енергија (МААЕ) соопшти денеска дека остварила важен напредок во истрагата во однос на утврдување дали Иран во минатото се обидувал да развива воена нуклеарна програма.
– Направен е значителен напредок, изјави директорот на МААЕ Јукио Амано, еден ден по посетата на Иран, каде ја посети воената база Парчин.
МААЕ и големите сили се обидуваат да ја расветлат можната воена димензија на иранската нуклеарна програма до 2003 година. Техеран и натаму негира дека неговата нуклеарна програма има воени цели.
МААЕ на 15 декември би требала да изработи извештај, што е фаза за можното укинување на меѓународните санкции против Иран, предвидено со нуклеарната спогодба од Виена.
– Меѓутоа останува многу работа пред да може да се заклучи истрагата, нагласи Амано.