Министерството за одбрана на Белорусија соопшти дека е започната проверката на борбената готовност на вооружените сили на оваа земја.
„Денеска, по наредба на шефот на државата, започна проверката на борбената готовност на вооружените сили на Република Белорусија. Настанот е комплексен и овозможува да се утврди способноста на командантите да ги водат воените единици и поединците кога ќе се подигнат на највисок степен на борбена готовност, како и подготвеност на воените единици за извршување задачи во утврдениот рок“, се наведува во соопштението.
За време на проверката на готовноста предвидено е движење на воена опрема, можно е привремено ограничување на движењето на цивилни возила по патиштата.