Белорускиот претседател, Александар Лукашенко, ја дозволи можноста дека е предолго на функцијата шеф на државата, но, воедно смета дека само тој е во состојба да „ги заштити Белорусите“.
Ова свое мислење Лукашенко го даде во заедничко интервју за повеќе руски медиуми.
-Да, можно е да останав малку предолго. Но, во реалноста, сега само јас сум во состојба да ги заштитам Белорусите , рече Лукашенко.
Долговечниот белоруски претседател, кој е на позицијата од 1994 година, додаде дека нема да ја напушти власта и покрај протестите на опозицијата, но и дека не ја исклучува можноста за предвремени претседателски избори, кои може да се одржат по донесувањето на уставните реформи.