Околу 44 милиони Јужнокорејци денеска излегоа на гласање за да изберат градоначалници и гувернери на провинциите.
Британските медиуми наведуваат дека изборите се сметаат за првиот посериозен тест за новиот претседател Јун Сук Јеол и неговата аспирација да го поттикне економското закрепнување и да ги реши нееднаквостите во земјата.
Изборната трка се води за повеќе од 4.000 локални канцеларии, меѓу кои 17 градоначалници на градови и провинции, како и седум пратенички места, а излезноста на гласачите до 13 часот изнесуваше 38,3 отсто за локалните канцеларии и 41,8 отсто за парламентарните места, наведуваат британските медиуми.
Според изборните анкети, најсериозна трка ќе има за гувернер на најнаселената провинција Ѓеонгџи и место во парламентот од Инчеон, западно од главниот град Сеул.
Извор: МИА