Египетските и катарските посредници им кажале на израелските официјални лица дека лидерот на Хамас, Јахја Синвар сака договор за прекин на огнот за да се стави крај на војната во Газа, изјави за Си-Ен-Ен израелски извор кој знаел за ова прашање.
Но, „никој не знае што сака Биби“, рече неименуваниот извор, мислејќи на израелскиот премиер Бенјамин Нетанјаху, користејќи го неговиот прекар, објави „Тајмс оф Израел“.
Изворот наведува дека американските власти им кажале на своите израелски колеги дека веднаш треба да се постигне договор за да се избегне регионална војна.
Изјавата е дадена во пресрет на клучниот самит што ќе се одржи во четврток во Каиро, каде се очекува страните да постигнат договор.