Лидерот на радикалната нигериска исламистичка групација Боко Харам, Абубакар Шекау е убиен во судири со војската, соопшти нигериската армија.
– Најопасниот и најбараниот лидер на терористите од Боко Харам е мртов, се наведува во соопштението.
Во него се додава дека постои веројатност дека Шекау е убиен меѓу 25 јули и 3 август.
Нигериската војска на 14 август соопшти дека го убила човекот „број два“ на исламистичката група „Боко Харам“ при одговор на бунтовнички напад на почетокот на овој месец.
Во градот Бама на 4 август во терористички напад на групата Боко Харам е убиен Момоду Бама, додаде тогаш армијата. Во судирите со армијата, истиот ден кога е убиен Бама се убиени и 17 екстремисти.
Бама бил заменик на Шекау, кого САД го прогласија за терорист.
Од 2009 година во бунтовнички насилства во Нигерија животот го загубиле околу 3.600 лица.
Во Нигерија има околу 160 милиони жители строго поделени на муслиманско население во северниот дел и христијани во јужниот дел на земјата.