Лекарите на поранешниот лидер на Јужнаафрикански претседател, Нелсон Мандела не сакаат да го исклучат од апаратите за одржување во живот, освен во случај да дојде до масовно откажување на органите, изјави на „Франс прес“ близок семеен пријател на Мандела, Денис Голдберг.
-Пренесено ми е дека тоа прашање е разгледано и дека лекарите одлучиле да ги исклучат апаратите само доколку откажат органите. Но, бидејќи тоа не се случи тие се подготвени да продолжат да ја стабилизираат неговата состојба се додека не се опорави-истакна тој.
Владата во Преторија, соопшти дека Мандела се уште е во критична, но стабилна состојба. Поранешниот претседател во болница престојува од 8-ми јуни, поради инфекција на белите дробови.
Елена Георгиевска