Андриј Парубиј, украински политичар познат по својата улога како поранешен претседател на Собранието и неговиот значаен придонес за време на протестите на плоштадот Мајдан во 2013 и 2014 година, беше убиен денес во Лавов.
Претходно, Националната полиција изјави дека политичка фигура е убиена во пукотница во западниот дел на Украина.
Ирина Херашченко, пратеничка од партијата Европска солидарност, потврди за „Киев Индепендент“ дека Парубиј е жртва на овој трагичен инцидент.
Веста за неговата смрт ја потврди претседателот на Украина, Володимир Зеленски.
Ukraine’s Minister of Internal Affairs Ihor Klymenko and Prosecutor General Ruslan Kravchenko have just reported the first known circumstances of the horrendous murder in Lviv. Andriy Parubiy was killed. My condolences to his family and loved ones.
All necessary forces and means…
— Volodymyr Zelenskyy / Володимир Зеленський (@ZelenskyyUa) August 30, 2025
„Министерот за внатрешни работи, Игор Клименко, и генералниот обвинител, Руслан Кравченко, ме информираа за првите познати околности на ова ужасно убиство во Лавов. Андреј Парубиј почина“, напиша претседателот Зеленски.
Полицијата објави дека властите добиле пријава за пукање во јужен Лавов околу пладне, а жртвата починала на самото место.
Службениците сè уште не коментирале за можни осомничени или мотив за злосторството. Повикувајќи се на извори, медиумите објавија дека осомничениот напаѓач бил облечен како курир, возел електричен велосипед.
Според изворите, напаѓачот му се приближил на Парубиj, отворил оган и избегал од местото на злосторството со велосипедот. На местото на настанот се пронајдени седум чаури, што го потврдија и полициски извори.