Рускиот министер за надворешни работи Сергеј Лавров изјави за време на денешната посета во Саудиска Арабија дека неговата земја е загрижена од интензивирањето на украинската воена операција, и покрај објавениот мировен план од страна на Киев и едностраниот прекин на огнот.
– Фактот што споменатата антитерористичка операција на Украина се интензивира паралелно со објавувањето на мировниот план, е крајно загрижувачки, истакна Лавров.
Тој нагласи дека планот на украинскиот претседател петро Порошенко изгледа како ултиматум.
– Во него недостасува само најглавното, а тоа е предлог за започнувае на дијалог. Ова е радикална отстапка од женевскиот договор од 17 април, додаде шефот на руската дипломатија.