Русија упати остри критики за изјавите на генералниот секретар на ОН Антонио Гутереш за ситуацијата во зафатената источна Украина.
„На наше големо жалење, (Гутереш) потклекна на притисокот од Западот и даде неколку изјави за настаните во источна Украина кои не одговараат на неговиот статус и овластувања според Повелбата на ОН“, изјави денеска рускиот министер за надворешни работи Сергеј Лавров.
Гутереш мора да одржува неутралност и „должен е секогаш да се залага за директен дијалог меѓу конфликтните држави“, рече Лавров.
Генералниот секретар на ОН вчера ја осуди Русија за ескалацијата во украинскиот конфликт и повика на почитување на меѓународното право.
Извор: МИА