Претседателот на германскиот сојузен парламент Норbерт Ламерт во интервју за весникот „Velt am zontag“, се изјасни за прекин на ширењето на Европската унија, и оцени дека ниту Хрватска не е зрела за влез во унијата.
„По искуството со Бугарија и Романија, мораме сериозно да го сфатиме најновиот извештај на ЕК за напредокот. Хрватска очигледно не е зрела за ЕУ“, изјави Ламерт.
Ламерт бил децеиден дека во скора иднина ЕУ нема да биде способна за натамошно проширување.
„Имаме многу задачи околу консолидацијата на ЕУ, и не би требало да дозволиме амбициите за проширување да го отстапат местото на неопходната стабилизација“, изјави Ламерт, кој доаѓа од Христијанско-демократската унија на канцеларката Ангела Меркел.