Министерот за надворешни работи на Украина Дмитро Кулеба денеска изјави дека одржувањето на руските избори на окупираните територии на Украина се незаконски и ништовни.
Тој истакна дека изборната кампања во Доњецк, Луганск, Запорожје, Херсон и Крим е уште една демонстрација на руското „континуирано непочитување на меѓународното право“, пренесува Ројтерс.
„Принудата на милиони украински граѓани кои живеат на привремено окупирани територии или кои беа насилно преместени таму да учествуваат на таканаречените избори е подеднакво нелегално“, додаде Кулеба.
Министерството ги повика Украинците да не учествуваат на руските претседателски избори на 15-17. Март, кој, како што пишува Ројтерс, ќе му овозможи на Владимир Путин да го престигне Јосиф Сталин како владетел со најдолг стаж во Русија.