Украинскиот министер за надворешни работи Дмитро Кулеба денеска ги повика западните земји да и обезбедат на Украина системи за противвоздушна одбрана „Патриот“ бидејќи, како што наведе, тоа се оружје што очајно му е потребно на Киев.
„Дајте ни ги проклетите „Патриот“. Ако имавме доволно системи за противвоздушна одбрана, или „Патриот“, би можеле да ги заштитиме не само животите на нашиот народ, туку и нашата економија од уништување“, рече Кулеба на онлајн прес-конференција.
Тој додаде дека ракетите ќе помогнат да се подобри ситуацијата на линијата за контакт, каде, според него, руските авиони масовно користат наведувани бомби, пишува „Украинска Правда“.