Нема планови за контакти меѓу рускиот претседател Владимир Путин или претставници на Кремљ со американската делегација што присуствува на Меѓународниот економски форум во Санкт Петербург (СПИЕФ), изјави денес портпаролот на Кремљ, Дмитриј Песков.
„Не, нема планови, тие не се баш, така да се каже, наш профил“, рече Песков, според ТАСС.
Како што претходно објави помошникот на рускиот претседател Јуриј Ушаков, САД се официјално претставени на СПИЕФ за прв пат по осум до девет години.