Кос: Украина е приоритетен кандидат за членство во ЕУ

Од:

Европската Унија ја смета Украина за приоритетен кандидат за членство, изјави европската комесарка за проширување Марта Кос во интервју за Политико.

Според Кос, проширувањето на Унијата повеќе не е само прашање на ставот кон кандидатите, туку и на внатрешниот капацитет на ЕУ да одговори на предизвиците на современиот момент.

„Не станува збор само за привлекување кандидати – туку и за нас: можеме ли да се справиме со предизвиците? Дали е тоа корисно за нашата безбедност? Дали ги пополнуваме празнините што ги оставивме во минатото? Да. Дали ни треба Украина во ЕУ? Да“, нагласи Кос.

Кос посочи дека Европската Унија ќе мора да донесе конкретни и суштински одлуки во следните 12 месеци со цел да го забрза процесот на прифаќање нови земји-членки и институционално да ги обезбеди. Според неа, претстојниот период ќе биде клучен за дефинирање на иднината на политиката на проширување.

Прашањето за европската интеграција на Украина се повеќе се поврзува со безбедносната архитектура на континентот и долгорочните геополитички интереси на Брисел.

Претходно беше објавено дека некои американски претставници признаваат дека Русија нема забелешки за евентуалното пристапување на Украина во Европската Унија, што во дипломатските кругови се толкува како важен сигнал во контекст на пошироките односи меѓу Истокот и Западот.

Би можело да ве интересира

Туск: Полска ќе има клучна улога во европската делегација за преговорите за Украина

Полјански: Европа ги игнорира преговорите за Украина и се држи до старите позиции

Зеленски алармира: Русија сака преку евакуација на цивили да го отвори патот кон нови градови

Полска ѝ рече „не“ на Украина

Москва не се откажува од барањата од 2021 година: НАТО да се врати на границите од 1997 година

Фицо: Конечно се разбуди Европа – ќе има делегација за преговори за Украина