Италијанската полиција заплени рекордна сума од 1,3 милијарди евра во готовина и имот од само еден човек.
Станува збор за сицилијански претприемач во областа на алтернативните извори на енергија, за кого се претпоставува дека е тесно поврзан со мафијата.
Вито Никастри (57) е обвинет дека пријавил само дел од својот бизнис со цел да избегне плаќање данок. Италијанските медиуми го нарекоа „крал на алтернативната енергија“ поради поседувањето големи удели во компании за добивање еолска и соларна енергија.
Полицијата соопшти дека се запленети 43 компании, 98 недвижни имоти, вклучително згради, станови, магацини и земјиште, 66 банкарски сметки, кредитни кратички и инвестициски фондови.